गजल
दुनियाँलाई के थाहा?सहनु कति गार्हो हुन्छ
बाड्न नमिल्ने रहेछ दु:ख,सहनु कति गार्हो हुन्छ।
चर्किन्छ मुटु चिरिन्छ छाती पीडाले पोल्दछ
आकाशले थिचे जस्तै, सहनु कति गार्हो हुन्छ।
जसमाथी पर्यो दैवको लाठो सास्ती ऊ भोग्दछ
कठैबरा भन्ने हुन अरु सबै सहनु कति गार्हो हुन्छ।
अचानोको पिर खुकुरीलाई के थाहा?चोट धेरै खान्छ
न सकिने गरिखान नत मरि जान,सहनु कति गार्हो हुन्छ।
प्रारब्धले छलेपछि काला बादलले नपाउने गोता पाइन्छ
इश्वरको निष्ठुरी खेलमा परेपछि सहनु कति गार्हो हुन्छ।
भोला दुलाल(निर्मोहि)
Comments
Post a Comment